“Gidroproyekt”da mehnat muhofazasi bo‘yicha rejalashtirilgan attestatsiya boshlandi

Toshkent, 2025 yil 25-avgust. – “Gidroproyekt” aksiyadorlik jamiyatida 25–29 avgust kunlari xodimlarning mehnat muhofazasi bo‘yicha yillik bilim tekshiruvi o‘tkazilmoqda. Tadbirlar jadvali direktor R.A. Paratov tomonidan tasdiqlangan.

Tekshiruv tashkilotning barcha bo‘linmalarini qamrab oladi va maxsus imtihon biletlari asosida amalga oshiriladi. Savollar mehnat muhofazasi to‘g‘risidagi qonunchilik, ichki tartib-qoidalar, elektr xavfsizligi hamda favqulodda vaziyatlarda harakat qilish tartibiga oid mavzularni o‘z ichiga oladi.

Mazkur tekshiruvning maqsadi – xavfsiz mehnat sharoitlarini ta’minlash va ishlab chiqarishda jarohatlanishlarning oldini olishdir. Jarayon uchun mas’ullar – mehnat muhofazasi va texnika xavfsizligi xizmati yetakchi mutaxassisi N.E. Xushvaqtov hamda mualliflik nazorati bo‘limi boshlig‘i B.K. Qulmuhamedovlar.