Davlat mukofoti muborak bo‘lsin!
«Gidroproyekt» aksiyadorlik jamiyati jamoasi Bosh muhandis Irg‘ashev Elyor Aglamovichni «Shuhrat» medali bilan taqdirlangani munosabati bilan chin yurakdan tabriklaydi.
Mazkur mukofot O‘zbekiston Respublikasi Prezidenti Farmoniga asosan mamlakatimiz mustaqilligining 34 yilligi munosabati bilan berildi. Ushbu yuksak davlat mukofoti esa uning ko‘p yillik professional yutuqlari hamda mamlakatimiz energetika va gidrotexnika sohalari rivojiga qo‘shgan ulkan hissasi e’tirofining yorqin ramzidir.
Elyor Aglamovich uzoq yillardan buyon gidrotexnika va gidroenergetika inshootlarini loyihalash sohasida faoliyat yuritib, muhim infratuzilma loyihalarini amalga oshirishda ishtirok etib kelmoqda. Uning tajribasi va ishiga sadoqati butun jamoamiz uchun namuna bo‘lib xizmat qiladi.
Biz Elyor Aglamovichga mustahkam sog‘lik, oilaviy farovonlik va Vatanimiz ravnaqi yo‘lida yangi kasbiy zafarlar tilaymiz.
