Gidroproekt” AJda Mustaqillik bayrami
“Gidroproekt” AJda yurtimizning eng ulug‘ ayyomi – O‘zbekiston Respublikasi Mustaqilligi kuni keng nishonlandi. Tadbir davomida jamoa a’zolari, mehmonlar va hamkor tashkilotlar vakillari bir joyga to‘planib, Vatanimiz mustaqilligining 34 yilligini ko‘tarinki ruhda qarshi oldilar.
Bayram dasturxonlari, samimiy suhbatlar va ezgu tilaklar bilan boyitilgan ushbu tadbir xodimlar o‘rtasida do‘stona muhitni yanada mustahkamladi, barchaga unutilmas taassurotlar ulashdi.
Shu o‘rinda ta’kidlash joizki, Mustaqillikning 34 yilligiga bag‘ishlab o‘tkazilgan bayram tadbirlari “Vatan uchun, millat uchun, xalq uchun!” degan ezgu g‘oyani o‘zida mujassam etib, yurtimizdagi birlik va hamjihatlik ruhini yanada yuksaltirdi.
“Gidroproekt” AJ jamoasi ushbu muborak ayyom bilan butun xalqimizni samimiy tabriklab, O‘zbekistonning tinchligi va taraqqiyoti yo‘lida fidokorona xizmat qilishini alohida ta’kidlaydi.
