Hurmatli hamkasblar!
Hurmatli hamkasblar!
Sizlarni kasb bayramingiz — Energetiklar kuni bilan chin qalbimizdan muborakbod etamiz!
Bu yilgi bayramimiz o‘zgacha ahamiyatga ega, zero “Gidroproekt” AJ o‘zining 95 yilligini nishonlamoqda. Deyarli bir asr davomida biz suv qudratini millionlab insonlar uchun nur va issiqlikka aylantirib, O‘zbekistonning energetika kelajagini barpo etib kelmoqdamiz.
Korxonamizning asosiy boyligi — bu bizning xodimlarimizdir. Sizning yuksak bilimingiz, o‘z ishingizga bo‘lgan sadoqatingiz va mukammallikka intilishingiz barcha yutuqlarimizning poydevori hisoblanadi. Har bir muvaffaqiyatli loyiha zamirida sizning mahoratingiz, xonadonlardagi nur ortida esa sizning zahmatli mehnatingiz mujassam.
Aziz hamkasblar! Ushbu bayramona kunda sizlarga:
Tuganmas g‘ayrat-shijoat va mustahkam sog‘lik, ijodiy salohiyatingiz doimo yuksak bo‘lishini tilaymiz.
Amalga oshirayotgan har bir loyihangiz mahoratingizning yorqin namunasiga aylanib, yangi kasbiy marralarni zabt etishingizda zafarlar yor bo‘lsin.
Mashaqqatli va sharafli mehnatingiz hamisha munosib e’tirof etilib, hamkasblar hamda el-yurt ehtiromida bo‘ling.
Oilangizga esa tinchlik-totuvlik, fayz-baraka va farovonlik tilaymiz! Siz yurtimizga ulashayotgan nur o‘z xonadoningizni ham doimo yoritib tursin!
Energetiklar kuni muborak bo‘lsin! “Gidroproekt” AJning 95 yilligi qutlug‘ kelsin!
Sizning mehnatingiz bilan yaratilgan suv energiyasi O‘zbekiston ravnaqi yo‘lida xizmat qilishda davom etsin!
“Gidroproekt” AJ rahbariyati
